Аваргуудын лигийн шөвгийн наймд Английн багуудын нэр төрийг авч үлдсэн “Лестер” клуб өнгөрсөн шөнө ¼ шигшээн хариу тоглолтоо “Атлетико”-гийн эсрэг талбайдаа хийлээ. Эхний тоглолт Испанид болоход талбай эзэд 1:0-ээр хожсон. Эргэлзээтэй торгуулийн цохилтын хар гайгаар хожигдсон гэхэд болно.

Тэгвэл хариу тоглолтод “Лестер” үнэхээр гайхалтай тоглож, шилдэг багтай 1:1-ээр тэнцлээ. Гэвч хоёр тоглолтын нийлбэр дүнгээр 2:1-ээр хожигдож, цааш шалгарах боломжгүй болсон. Харин Мадрид хотын баг дахиад л хагас шигшээд үлдэж чадлаа. Тэд өнгөрсөн жил “Реал”-тай финалдсан гэдгийг мартах учиргүй.

Тоглолтын 26 дахь минутад Сауль гоолдож, тооны харьцааг нээсэн. Хэрвээ энэ гоолыг алдалгүй хамгаалж чадсан бол “Лестер”-т том боломж байлаа. 61 дэх минутад Варди нэг гоол оруулсан ч дахиад хоёрыг хийх даалгавраа тэд биелүүлж чадсангүй. Ингэснээр шөвгийн наймаас мултарлаа.