1990 онд баталсан Үндсэн хуульд өөрчлөлт оруулах асуудал сүүлийн гурван жилийн турш улс төрийн намуудын маргааны гол сэдэв болоод буй.

Нийгмийн амьдрал шинэ тутамд хөгжиж, улс төрийн нөхцөл байдал ч өөрчлөгдсөөр байхад бид 27 жилийн өмнө баталсан хуулиа өнөө хэр өөрчлөхгүй байгаа нь улс төрийн зарим тодорхойгүй байдал, гажуудал үүсэх гол шалтгаан болж байна хэмээн улстөрчид үздэг. Тиймээс өнгөрсөн парламентаар Үндсэн хуулийг өөрчлөх хуулийн төсөл оруулж ирсэн ч МАН-ын зүгээс бүх нийтийн санал асуулгаар асуудлыг шийдэх нь зөв хэмээсэн юм.

Тэгвэл энэ асуудлыг хаврын чуулганаар хэлэлцэхээр оруулж ирэн, өнгөрөгч долоо хоногийн баасан гарагт байнгын хорооны хуралдаанаар хэлэлцсэн юм. Мөн Үндсэн хуульд нэмэлт, өөрчлөлт оруулах асуудлаар явуулах анхдугаар Зөвлөлдөх санал асуулгын талаар өнөөдөр 11.00 цагаас Төрийн ордны хуралдааны В танхимд мэдээлэл өгөхөөр болжээ.

Хэвлэлийн хуралд Төрийн байгуулалтын байнгын хорооны дарга Н.Энхболд, ажлын хэсгийн ахлагч Д.Лүндээжанцан, зөвлөлдөх санал асуулгыг зохион байгуулж явуулах Зөвлөлдөх зөвлөлийн гишүүд оролцоно.