Энэ сарын 11-нд буюу өчигдөр Замын цагдаагийн албаны ЖШУХ-т нийт 321 дуудлага, мэдээ мэдээлэл иржээ. Эдгээрээс зам тээврийн ослын 249 дуудлага бүртгэгдсэн бөгөөд осол, хэргийн улмаас долоон иргэн хүнд, хөнгөн байдлаар гэмтсэн аж.

Үүнээс сургуулийн насны гурван хүүхэд зам тээврийн осолд өртсөн талаар албаны эх сурвалж мэдээллээ. Ослын шалтгаан, нөхцөл байдлыг тогтооход явган зорчигчийг мөргөж гэмтээсэн долоон осол, мөргөлдсөн нэг осол, үл хөдлөх зүйл мөргөсөн 3, онхолдсон 1 осол тус тус бүртгэгджээ.

Цагдаагийн байгууллагын гудамж, замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 44 жолоочийг илрүүлж гарч болзошгүй осол, хэргээс урьдчилан сэргийлж ажилласан байна.