Уул уурхайн эдийн засагч Л.Наранбаатар тэргүүтэй хүмүүс БНХАУ-д албан ажлаар явж Хятадын нүүрсний үнэ ханш, худалдааны мэдээллийн хамгийн том веб сайт www.sxcoal.com -ийг эрхлэн явуулдаг “Fenwei Energy” компанитай хамтран ажиллах гурван талт гэрээнд Монгол Нүүрс Ассоциацийн хамт гарын үсэг зуржээ.

Энэхүү мэдээллийн сайт нь “Дэлхийн коксжих нүүрсний нөөц ба зах зээл” олон улсын хурлыг зохион байгуулдаг, нөлөө бүхий үйл ажиллагаа явуулдаг сайт аж.

Гурван талт уулзалтын хүрээд ирэх есдүгээр сарын 7-9-ны өдрүүдэд Улаанбаатар хотноо “CoalMongolia-2017” чуулга уулзалт, үзэсгэлэнг өндөр төвшинд зохион байгуулж, нүүрсний экспорт, худалдаа, тээвэр ложистикийг идэвхижүүлэх чиглэлд голлон фокуслаж ажиллахаар тохиролцсон аж.

Энэ үеэр Хятадын нүүрс ассоциаци, Монголын нүүрс ассоциацийн уулзалт ажил хэрэгч болж, хамтын ажиллагааны хүрээнд “CoalMongolia-2017” чуулганы эхний өдөр "Монгол-Хятадын хамтарсан нүүрсний салбарын форум" зохион байгуулахаар болсон байна.