Монгол Улсын Ерөнхийлөгчийн сонгуульд АН-аас нэр дэвшихээ мэдэгдэж хүмүүсийн тоо нэмэгдсээр байна. Ерөнхий сайд асан Н.Алтанхуяг хамгийн түрүүнд Ерөнхийлөгчийн сонгуульд нэр дэвших бодолтой гэдгээ мэдэгдсэн. Мөн хотын дарга асан Э.Бат-Үүл ч гэсэн өрсөлдөөнд оролцохоо мэдэгдээд байгаа билээ.

Тэгвэл өнөөдөр  Хууль зүйн сайд асан Д.Дорлигжав АН-аас Ерөнхийлөгчийн сонгуульд нэрээ дэвшүүлэх болсоноо албан ёсоор зарлалаа. Ингэснээр тэрбээр АН-ын Ерөнхийлөгчийн сонгуульд өрсөлдөх сунгаанд оролцохоор болж байгаа юм. Тэрбээр "Намынхаа дотоод сонгуульд өрсөлдөнө. Шийдвэр гаргахад хэд хэдэн хүчин зүйлс нөлөөлсөн" хэмээн мэдэгджээ.

Ийнхүү АН-аас гурван хүн Ерөнхийлөгчийн сонгуульд өрсөлдөхөө мэдэгдлээ. АН-ын дарга С.Эрдэнийн хувьд Ерөнхийлөгчийн сонгуульд өрсөлдөх нэр дэвшигчээ дотоод сунгаагаар шийднэ гэж мэдээлж байсан. Гэвч сүүлийн үед ҮБХ-ны шийдвэрээр нэр дэвшигчээ тодруулах талаар мэдээлэл гараад байгаа юм.