Тайландын нийслэл Бангкок хотноо энэ сарын 02-ны өдөр “Эзэн хаан”-ы цомын тэмцээн эхэлсэн билээ.  Энэхүү тэмцээнд манай улсын долоон тамирчин оролцож байгаа юм.  Тодруулбал, - 49 кг-д Г.Ган-Эрдэнэ, - 52 кг-д М.Гандулам, - 56 кг-д О.Мөнхсайхан, - 60 кг-д МУГТ Д.Отгондалай, - 64 кг-д Б.Чинзориг, - 69 кг-д Б.Түвшинбат, - 75 кг-д Ж.Отгонжаргал нар эх орноо төлөөлөн оролцож буй юм.  

Манай тамирчдаас  МУГТ Д.Отгондалай, Г.Ган-Эрдэнэ, Б.Чинзориг нар өрсөлдөгчөө ялж,  дараагийн шатанд шалгаран үлдээд байгаа билээ. Тэгвэл өнөөдөр 13:00 цагаас Монгол Улсын гавьяат тамирчин Д.Отгондалай, ОУХМ Г.Ган-Эрдэнэ нар мөнгөн медалийн төлөө тулалдана. Тодруулбал, Д.Отгондалайгийн хувьд Куба, Г.Ган-Эрдэнэ Энэтхэгийн тамирчинтай рингэнд гарна.

Тэмцээн энэ сарын 10-нд өндөрлөх бөгөөд тамирчдыг шигшээ багийг ерөнхий, гавьяат дасгалжуулагч Д.Батсүрэн, Ардын багш, гавьяат дасгалжуулагч Д.Банди, дасгалжуулагч Н.Мөнхсайхан нар удирдаж байгаа юм.