Дорноговь, Дорнод, Сүхбаатар аймагт шүлхий өвчин гарсан нь тогтоогджээ. Тодруулбал, өнгөрсөн гуравдугаар сард Дорноговь аймгийн Дэлгэрэх сумын Хөх толгой гэх газарт нутагладаг малчин н.Сэндэнпүрэвийн үхэрт малын гоц халдварт шүлхий өвчний шинж тэмдэг  илэрсэн байна.

Одоогийн байдлаар тус аймгийн голомтын бүсэд 16 хот айлын 27 өрхийн 68 хүн,11616 толгой мал байгаа аж. Мөн голомтын бүсэд байрладаг дөрвөн өрхийн 12 үхэрт шүлхий өвчний шинж тэмдэг илэрсэн бөгөөд 10 үхрийг устгалд оруулаад байгаа гэнэ. Харин Сүхбаатар аймгийн Дарьганга хоёр өрхийн үхэрт малын гоц халдварт шүлхий өвчний шинж тэмдэг илэрсэн байна.

Түүнчлэн Дорнод аймгийн Цагаан-Овоо сумаас баруун хойш 60 км-т орших “Дэлгэр өлзийт” гэх газарт хаваржиж буй Д.Батгавьяагийн суурьт малын гоц халдварт шүлхий өвчний шинж тэмдэг илэрчээ. Үүнтэй холбогдуулан өвчний голомтод хорио цээрийн дэглэм тогтоосон байна.