Италийн Сери А лигийн 30 дугаар тойргийн хүрээнд “Рома” клуб “Эмполи”-г 2:0-ээр буулгаж авахад багийн довтлогч Эдин Жеко дубль хийсэн билээ. Ингэснээр Боснийн шигшээ багийн довтлогч бүх тэмцээнд 33 дахь гоолоо оруулж, “Рома”-гийн төлөө нэг улиралд хамгийн олон гоол оруулсан тамирчин боллоо.

Өмнөх дээд амжилтыг Тотти эзэмшиж байсан бөгөөд тэрбээр 2006-2007 оны улиралд бүх тэмцээнд 32 гоол оруулж байжээ.  Тэгвэл Жеко өнгөрсөн шөнө хоёрыг оруулснаар Италийн Сери А лигийн мэргэн буучийн жагсаалтыг тэргүүлж байна. Тэрбээр 23 гоол оруулж, 7 гоолын дамжуулалт өгөөд байгаа юм.