Гүржийн нийслэл Тбилис хотноо жүдо бөхийн гран при ангиллын тэмцээн болж байгаа билээ. Өнөөдөр хүнд жингийнхний барилдаан болсноор тэмцээн өндөрлөх учиртай. Тэгвэл гурав дахь өдрийн барилдаанд манайхаас Г.Алтанбагана барилдах юм.

Эрэгтэйчүүдийн 90 кг-д зодоглож буй манай бөх D  хэсгийг тэргүүлж, эхний тойрогтоо хийлсэн. Харин хоёрдугаар тойрогт Гүрж болон Арабын нэгдсэн Эмират улсын бөхчүүдийн аль ялсантай нь барилдах юм.

Эхний хоёр өдрийн дараах байдлаар манай баг тамирчид ердөө ганцхан мөнгөн медаль аваад байна. 66 кг-ын жинд Д.Төмөрхүлэг мөнгөн медаль хүртсэн. Харин өчигдөр 73, 81 кг-ын бөхчүүд барилдсан ч медальд хүрч чадсангүй.