2018 оны хөлбөмбөгийн дэлхийн аварга шалгаруулах тэмцээний урьдчилсан шатны хүрээнд Английн шигшээ баг Латвитэй тулж, 2:0-ээр буулгаж авсан билээ. Тэгвэл энэхүү тэмцээнд өдгөө 34 настай Жермейн Дефо гоолдсон. Тэрбээр 4 жилийн дараа шигшээ багт дуудагдаад, анхны тоглолтдоо л гоол оруулсан юм.

Хамгийн сүүлд тэрбээр 2013 оны арваннэгдүгээр сард “Гурван арслан”-гийн төлөө талбайд гарч байсан юм. Тэрбээр Латвийн эсрэг гоолдсоноор хамгийн хөгшиндөө Английн шигшээн төлөө гоолдсон зургаа дахь тоглогч боллоо. Харин энэ зуунд Фрэнк Лампард, Тедди Шерингем нар л түүнээс ахмад настайдаа Английн шигшээн төлөө гоолдож байжээ.