АН-ын нөлөө бүхий улстөрчдөөр эгнээгээ бүрдүүлдэг Ардчилсан хүчний холбоог УИХ-ын гишүүн асан Д.Ганхуяг удирдахаар болжээ. Өмнө нь тус холбоог УИХ-ын дарга асан, АН-ын дарга асан З.Энхболд удирдаж байсан билээ.

Улмаар намын дарга болсноор фракциас татгалзсанаа зарлаж энэхүү албан тушаалыг намын гишүүн С.Эрдэнэд дамжуулж байлаа. Гэсэн ч мөн л С.Эрдэнэ намын дараагийн дарга болсноор энэхүү улс төрийн албан тушаалаа фракцийн гишүүн Д.Ганхуягт даатгажээ.

Ардчилсан хүчний холбоо нь Шонхор гэх том фракцийн нэгэн жигүүр гэж хэлж болно. Энэ холбоонд УИХ-ын гишүүн асан Д.Ганхуяг, З.Энхболд, С.Эрдэнэ, Баянгол дүүргийн Засаг дарга С.Одонтуяа зэрэг улстөрчид харьяалагддаг. Жилдээ нэг удаа томоохон уулзалт зохион байгуулж, улс төрийн байр сууриа нэгтгэж, орон нутгийн гишүүдийнхээ эгнээг тэлдэг энэхүү холбоотой эн зэрэгцэх холбоо МоАХ байгаа юм. 

Б.Тогтох